არტერიული წნევის ბუნებრივი საშუალებები
მაღალი არტერიული წნევა, ასევე ცნობილი როგორც ჰიპერტენზია, საკმაოდ გავრცელებული პრობლემაა, რა დროსაც გული სასურველზე უფრო ინტენსიურად მუშაობს.
მსოფლიოში ასობით ადამიანს აქვს ეს პრობლემა, სტატისტიკურად ყოველი ოთხი ზრდასრული ადამიანიდან ერთს.
უფრო მეტიც, ჰიპერტენზიას „ჩუმ მკვლელსაც“ კი უწოდებენ. ცნობილია, რომ მაღალი არტერიული წნევა ზრდის გულის შეტევის, ინსულტის, გულის უკმარისობის და თირკმლის დაავადების რისკს.
არტერიული წნევა შედგება ორი რიცხვისგან, რომლებიც ტრადიციულად იზომება ვერცხლისწყლის სვეტის მილიმეტრებში (mmHg). პირველი რიცხვი არის სისტოლური არტერიული წნევა, ხოლო მეორე - დიასტოლური.
არტერიული წნევის დიაპაზონი:
ნორმალური არტერიული წნევა: <120 / 80
მომატებული არტერიული წნევა: >120-129/ 80-89
ჰიპერტენზია (1 სტადია): 130-139/ 80-99
ჰიპერტენზია (2 სტადია): 140/90-ზე მეტი
რა იწვევს ჰიპერტენზიას?
ჰიპერტენზიის მრავალი მიზეზი არსებობს, მათ შორის ფიზიკური აქტივობის ნაკლებობა, არასწორი კვება, ჭარბი წონა, სიმსუქნე, ინსულინრეზისტენტობა, პრედიაბეტი, დიაბეტი, თირკმლის დაავადება, გარკვეული მედიკამენტები და გენეტიკა.
შეიძლება თუ არა მაღალი არტერიული წნევის მართვა?
თუ თქვენ გაქვთ მომატებული ან 1 სტადიის არტერიული წნევა, ჯანსაღი ცხოვრების წესი შეიძლება საკმარისი იყოს არტერიული წნევის ნორმალიზებისთვის.
არის შემთხვევები, როდესაც ახლად დიაგნოზირებული ჰიპერტენზიის მქონე ადამიანების მკურნალობა შესაძლებელია მხოლოდ დიეტით და სავარჯიშო პროგრამით. თუმცა, ეს ჩვეულებრივ მხოლოდ იმ პირებისთვისაა განკუთვნილი, რომლებსაც მცირე რისკ-ფაქტორები აქვთ და რომლებიც მზად არიან დაუყოვნებლივ შეიტანონ ცხოვრების წესის ცვლილებები.
მეცნიერებისა და ფარმაცევტული ინდუსტრიის მიღწევების წყალობით, ექიმებმა და პაციენტებმა შეძლეს მაღალი არტერიული წნევის მკურნალობა და, შესაბამისად, მასთან დაკავშირებული საფრთხეების შემცირება. ბოლო რამდენიმე ათწლეულის განმავლობაში, შეიქმნა მაღალი არტერიული წნევის მედიკამენტები, რომელიც საკმაიდ ეფექტიანი აღმოჩნდა.
ჯანსაღი არტერიული წნევის ბუნებრივი თერაპიები
კოენზიმი Q10
კოენზიმი Q10 (CoQ10), ასევე ცნობილი როგორც უბიქინონი, არის ბუნებრივად წარმოქმნილი ანტიოქსიდანტური საკვები ნივთიერება, რომელიც აუცილებელია სიცოცხლისთვის. კოენზიმი Q10 აუცილებელია უჯრედებისთვის ენერგიის გენერირებისთვის. ეს ძირითადად ხდება მიტოქონდრიაში, უჯრედულ „ელექტროსადგურში“, რომელიც ორგანიზმში ენერგიას გამოიმუშავებს.
ვინაიდან გული ყველაზე აქტიური ორგანოა, მეტაბოლური მოთხოვნილებების დასაკმაყოფილებლად მას ყველაზე მეტი CoQ10 სჭირდება და გამოიმუშავებს. თუმცა, გულის დაავადების მქონე პირებში ფუნქციის ოპტიმიზაციისთვის საჭიროა CoQ10-ის უფრო მაღალი დონე.
რეკომენდებული დოზა: 100 მგ-დან 300 მგ-მდე დღეში. 600 მგ-მდე დოზა შეიძლება სასარგებლო იყოს.
შეუძლია ხელი შეუწყოს ნორმალურ არტერიულ წნევას, რადგან ამ კომბინაციამ შეიძლება პარადოქსულად გაზარდოს არტერიული წნევა.
L-არგინინი
L-არგინინი არის ამინომჟავა, ცილების საშენი მასალა. L-არგინინი არის NO-ს, ანუ აზოტის ოქსიდის წინამორბედი. კვლევების თანახმად, მას შეუძლია ხელი შეუწყოს ჯანსაღი არტერიული წნევის დონის შენარჩუნებას.
American Heart Journal-ში 2011 წელს გამოქვეყნებულმა კვლევამ აჩვენა მნიშვნელოვანი მხარდაჭერა ჯანსაღი არტერიული წნევის შენარჩუნებას. გარდა ამისა L-არგინინის შემცველი საკვებდანამატები B ვიტამინების ჯგუფთან ერთად, მნიშვნელოვნად ამცირებს არტერიული წნევას ჰიპერტენზიის მქონე პირებში.
რეკომენდებული დოზა: 1000 მგ-დან 6000 მგ-მდე დღეში.
მაგნიუმი
დადასტურებულია, რომ ზრდასრული ადამიანების 60 პროცენტამდე არ იღებს მაგნიუმის საკმარის რაოდენობას, ხოლო 45 პროცენტს აქვს მუდმივი დეფიციტი.
გარდა ამისა, კვლევები ადასტურებს რომ ხილისა და ბოსტნეულის უმეტესობაში მაგნიუმის შემცველობა ბოლო 100 წლის განმავლობაში მკვეთრად შემცირდა. მაგნიუმი მონაწილეობს ადამიანის ორგანიზმში 400-ზე მეტ ბიოქიმიურ რეაქციაში. ეს არის სასიცოცხლოდ მნიშვნელოვანი მინერალი, რომელიც ხელს უწყობს სისხლძარღვთა ჯანსაღი ტონუსის და გლუვი კუნთების რელაქსაციის შენარჩუნებას.
რეკომენდებული დოზა: რეკომენდებულია 250-500 მგ დღეში
ომეგა-3 ცხიმოვანი მჟავები
ომეგა-3 ცხიმოვანი მჟავები, ასევე ცნობილი როგორც პოლიუჯერი ცხიმოვანი მჟავები, მნიშვნელოვან როლს ასრულებს ადამიანის ჯანმრთელობაში.
ომეგა 3 ხელს უწყობს გულის, ტვინის, ნაწლავების და სახსრების ჯანმრთელობას.
ომეგა-3 ასევე ეხმარება ჯანსაღი არტერიული წნევის შენარჩუნებას ნორმალურ დიაპაზონში.
2016 წელს „კვების ჟურნალში“ გამოქვეყნებულმა კვლევამ აჩვენა, რომ თევზის ქონის მოხმარება დღეში 700 მგ, მნიშვნელოვნად უწყობს ხელს ნორმალური არტერიული წნევის შენარჩუნებას.
2017 წლის კვლევის თანახმად, ომეგა-3 ცხიმოვან მჟავებს შეუძლიათ მნიშვნელოვანი გაუმჯობესება სისხლძარღვების ფუნქციონირებაში და არტერიული წნევის შემცირებაში.
რეკომენდებული დოზა: 1000 მგ-დან 4000 მგ-მდე დღეში.
ვიტამინი C (ასკორბინის მჟავა)
ვიტამინი C, ასევე ცნობილი როგორც ასკორბინის მჟავა, ბოლო 50 წლის განმავლობაში ერთ-ერთი ყველაზე მეტად შესწავლილი ვიტამინია. სამეცნიერო ლიტერატურის მოძიება აჩვენებს, რომ 1960-იანი წლების ბოლოდან C ვიტამინზე 53 000-ზე მეტი კვლევა ჩატარდა. მათი დასკვნები აჩვენებს, რომ ის ხელს უწყობს ძლიერი იმუნური სისტემის, ასევე გულ-სისხლძარღვთა, ტვინის და კანის ჯანმრთელობის ხელშეწყობას, სხვა მრავალ სარგებელთან ერთად.
ჯანსაღი არტერიული წნევის მხარდაჭერა ასევე ერთ ერთი მნიშვნელოვანი სასარგებლო მხარეა C ვიტამინის. მისი დაბალი დონე ხშირად ასოცირდება მაღალ არტერიულ წნევასთან.
2012 წელს ჩატარებულმა კვლევამ დაასკვნა, რომ C ვიტამინის დანამატებს შეუძლიათ ჯანსაღი სისტოლური და დიასტოლური მაჩვენებლების შენარჩუნება. კვლევამ განიხილა 29 სხვადასხვა შემთხვევა და მნიშვნელოვანი მხარდაჭერა გამოუცხადა გულ-სისხლძარღვთა ჯანმრთელობისა და ჯანსაღი სისხლის მიმოქცევისთვის.
დასკვნა
არტერიული წნევის მართვა მხოლოდ ერთ კონკრეტულ მეთოდზე არ არის დამოკიდებული — ის ყოველდღიური ჩვევების ერთობლიობის შედეგია. დაბალანსებული კვება, რეგულარული ფიზიკური აქტივობა, სტრესის კონტროლი, საკმარისი ძილი და ზოგიერთი ბუნებრივი საშუალება შეიძლება მნიშვნელოვანი მხარდაჭერა აღმოჩნდეს გულ-სისხლძარღვთა ჯანმრთელობისთვის.
თუმცა, მნიშვნელოვანია გვახსოვდეს, რომ ბუნებრივი მეთოდები არ ცვლის ექიმის რეკომენდაციებსა და დანიშნულ მკურნალობას. საუკეთესო შედეგი მიიღწევა მაშინ, როდესაც ჯანსაღი ცხოვრების წესი და პროფესიული სამედიცინო მეთვალყურეობა ერთმანეთთან არის შერწყმული. საკუთარი ჯანმრთელობის მიმართ მცირე, მაგრამ თანმიმდევრული ნაბიჯები გრძელვადიან პერსპექტივაში დიდ განსხვავებას ქმნის.